• 1. संस्थेचे ध्येय व उद्दिष्टे पूर्ण करण्याकरिता काम करणारा असावा.
  2. संस्थेच्या प्रत्येक सभासदाबद्दल त्याच्या मनात आपुलकी, प्रेम, सदभावना, आदरभाव असावा.
  3. काम कितीही मोठे आणि कितीही लहान असो ते आनंदाने पूर्ण करणारा व पूर्ण करून घेणारा असावा.
  4. शिस्त व वेळ पाळणारा असावा.
  5. सभासदाला अहंभाव नसावा. दुसऱ्या सभासदांचा व त्याच्या कामाचा सन्मान/आदर करणारा असावा.
  6. पदलोभी नसावा – पदाची लालसा असलेले कार्यकर्ते शत्रुंपेक्षाही घातक असतात. ते स्वतःही संघटन वाढवीत नाहीत आणि इतरांनाही वाढवू देत नाहीत. संघटन फक्त लेटरपॅडवर शिल्लक राहते.
  7. आकलनशक्ती – पदाधिकाऱ्याच्या ‘सूचक’ शब्दांचा अर्थ समजला पाहिजे. उच्चदर्जाची आकलन क्षमता असावी.
  8. सूक्ष्मनिरीक्षण – सभासदास सूक्ष्मनिरिक्षणशक्ति असावी.
  9. भाषण व संभाषण चातुर्य- आपल्या मधुरवाणीने मुद्दा पटवून देण्याचे चातुर्य अवगत करावे.
  10. निराश मनोवृत्ती असणारा नसावा. तर अपयशाचे यशात रूपांतर करणारा असावा.
  11. ध्येय गाठण्यासाठी परिश्रम, चिकाटी आणि सातत्य तसेच नम्रता असणारा असावा.
  12. सभासद जोडणारा असावा. तोडणारा नसावा.
  13. कार्यकर्ते हे रणाराव व्यक्ती परीक्षक कर्तृत्वशाली, सदाचारी आणि प्रभावी व्यक्तींना हेरून त्यांना संघटनेत सामील करण्याचे कौशल्य असणारा असावा.
  14. कार्यकर्ता हलक्या कानाचा नसावा. इतरांचं लक्षपूर्वक ऐकून घेणे आणि त्यानुसार काम करणारा अभ्यासक असावा.
  15. प्रसिद्धी व प्रतिष्ठायांसह पापलेला नसावा. तसेच श्रद्धाळू असावा पण अंधश्रद्धाळू नसावा.
  16. उपलब्ध साधनांचा काटकसरीने व कौशल्याने वापर करणारा असावा.
  17. चूक झाली असल्यास त्या कार्यकर्त्यांची बाजू समजून घेऊन त्याची चूक कशी सुधारता येईल याबाबत मार्गदर्शन करणारा असावा
  18. कार्यक्रमाचे आयोजन व नियोजनाची क्षमता असावी, संस्थेचे विविध उपक्रम राबविण्याची जबाबदारी स्वीकारणारा असावा. किंवा किमान संस्थेच्या वेगवेगळ्या उपक्रमांमध्ये त्याचा सक्रीय सहभाग असावा.
  19. समताप्रेमी व समर्पितमनोवृत्तीचा असावा. श्रमाची लाज वाटणारा नसावा.
  20. संघटनेच्या हिता करिता काही गुप्त गोष्टी गुप्तच ठेवणारा असावा.
  21. संघटनेसाठी वेळ, बुद्धी, श्रम, कौशल्य आणि पैसा हे ‘पंचदान’ देणारा असावा.

   

• ज्या संघटनेकडे वरील गुणधर्म असलेले कार्यकर्ते असतात; त्या संघटनेला जगात तोड नसते. आपल्यालाही आपलं संघटन मजबूत बनवायचं असेल तर वरील गुणधर्म सभासद म्हणून अंगी असणे अत्यावश्यक आहे. आपण सर्वानी मिळून एक उत्कृष्ट सामाजिक संस्था तयार करण्याची शपथ आज घेवूया.

    आपले नम्र,

श्री. विजय भगते

अध्यक्ष : मुचकुंदी परिसर विकास संघ (लांजा-राजापूर)