‘तांबड्या मातीत आणि हिरव्या गार स्वर्गात’ नटलेलं आपलं कोंकण म्हणजे महाराष्ट्राच्या नकाशावरील एक अविभाज्य भाग होय … आणि याच कोकणातील “लांजा-राजापुर” ही आपली जन्मभूमी होय…

आज याच जन्मभूमीकडे फिरून बघत असताना स्वाभिमानासोबत काही खंत देखील जाणवते… अनेक प्रश्नांनी लांजा-राजापुर ला वेढलं असताना महत्त्वाचा आणि गंभीर प्रश्न म्हणजे “आरोग्य”.

‘आरोग्य’ हीच माणसाची संपत्ती’ असं बोललं जात असताना याच संपत्तीचा शासकीय यंत्रणेने लांजा- राजापूर तालुक्यातील नागरिकांचा नुसता खेळ मांडला आहे. निवडणुका येतात आणि जातात देखील मात्र आमची आरोग्य सुविधा जशीच्या तशी धूळ खात पडून आहे अगदी ऊकीरड्यावर पडलेल्या ऊष्टया पत्रावळी सारखी …